فيلا الاشراف
ضا.بط شر.طة بيحكي ..
من حوالي كام سنة كدة كانت طبيعة شغلي إني أتفقد الحالة الأمنية في أحد الأحياء المرموقة، و أثناء سيري رأيت ڤيلا من كُتر جمالها و جمال تصميمها و أشجارها وقفت للحظات اتفرج عليها.
فجأ.ة تمنيت في سري إني أعيش في مكان زي ده🤫
ابتسمت و مشيت كملت شغلي و بعد ساعتين تقريباً جالي بلاغ شكوى في نفس الڤيلا!!!!!😳
و كأن القدر يريد أن يقول لي شيئاً…توجهت على الفور و أنا كُلي شغف إني أشوف الڤيلا من الداخل و أستمتع بجمالها أكثر من اهتمامي بالبلاغ نفسه 😄
أول ما وصلت قابلتني سيده “بدينه” صوتها عالٍ، تتحدث بشيئ من السوقيه في أسلوب كلامها (يبدو أنها غير متعلمه) و غير مه,تمة إطلاقاً بمظهرها و لا نظافتها، فكانت هي خادمة المنزل.. و راحت تشتكي من السيده صاحبة الڤيلا و نجلتها، فعلى لسانها: “الست الكبيره راقده جوه ع السر..ير بقالها يجي عشر سنين انا اللي بعمل لها كل حاجه و لا طامر فيها خدمتي و هي ماتستغناش عني و انا اللي بأكلها هي و بنتها..و بنتها بنت ال**** (اعترضت بالطبع على السب و حذرتها من تكراره) قارفاني و مغلباني مع اني بضربها بالخرزانه كل يوم بس مافيش فايده فيها”.!!!
طبعاً انا مذهول زيك بالظبط دلوقتي و انا عمال اسمع كلامها عن الناس اللي هي شغاله عندهم بطريقتها الفجه في الكلام و صوتها و شكلها المزعج، و طبعاً مش محتاج اقولك ان هي اللي عملت الشكوى اللي انا توجهت لهم بسببها.
من هم أصحاب الڤيلا؟
اولاً: صاحبة الڤيلا سيده (من الأشراف) تبلغ من العمر آنذاك ٨١ عام ملازمة للفراش بسبب معاناتها من مر.ض لعين من حوالي ١٠ سنوات أي منذ عام ١٩٩٨!!
ثانياً: هذه السيده أرملة الچنيرال -لا أذكر أسمه- (الحاصل على لقب باشا من الملك فاروق) في البولي.س المصري و هو مؤسس نادي الصيد المصري.
ثالثاً: السيده لها أربعة أبناء و هم؛
الأول ضا.بط شر.طه (مستقيل) منذ عام ١٩٩٠ و هاجر أمريكا في ذات العام و لا يعلمون عنه شيئ..
الثانيه سيدة أعمال مقيمه في أحدى الدول الأوربية تزور مصر كل بضعة أعوام.
الثالثه متزوجه من سفير مصري سابق تعيش ما بين مصر و خارج البلاد و هي ذاتها التي تعول كل متطلبات الڤيلا الماديه فقط.
أما الأخيرة التي تعيش مع والدتها و التي تقوم خادمة المنزل بضر.بها تُدعى “نيرڤانا” تبلغ من العمر ٤٢ عام على قدر هائل من الجمال يعجز لسا.ني عن وصفه لكنها مع الأسف تعاني من خلل عقلي تام (جنون)!!
عند دخولي بهو الڤيلا كل شيئ يدل عن العراقة و الأصالة و الشياكة إن جاز التعبير..السيده صاحبة المنزل على فراشها داخل غرفتها و بصوت خ.افت نادت عليا بإلحاح فتوجهت لها و كان هذا الحوار:
هي: ازيك يا ابني
انا: الحمدلله بخير يا فندم سلامتك الف سلامة
هي: الله يسلمك، انا يابني اللي خليت الشغالة تبلغ لأن كنت عاوزه اتكلم مع ضا.بط و قولتلها تعمل بلاغ في بنتي و ده طبعاً مش حقيقي
انا: احنا تحت امرك يا فندم خير اساعدك ازاي..
هي: انا من الأشراف و الشهاده اللي على الحيطه دي تثبت كده..و دي صورة جوزي الله يرحمه (رجل مهندم يرتدي زي البوليس في العهد الملكي) مؤسس نادي الصيد و دي شهادة حصوله على لقب (باشا) من الملك..
كان لي ابن ضابط زيك لكنه استقال و هاجر امريكا من سنين ماعرفش عنه حاجه ((ثم بكت بكاء شديد))
انا يابني فاضل لي في الدنيا أيام و هرحل و خا.يفه على نيرڤانا بنتي من الشغاله لأن بنتي للأسف جالها مر.ض عقلي و هتفضل دايما بعقلية طفله في عمر الخمس سنوات تقريباً..
انا: تحبي حضرتك اقدم الشغاله للنيابه و اتحفظ عليها؟؟
هي: لا يابني للأسف ماقدرش استغنى عنها لأنها هي اللي بتعملنا كل حاجه و عارفه سرنا و معانا من سنين، بس برضو خاي.فه على بنتي..
انت عارف بنتي الكبيره زو.جة سفير مصري سابق و هي اللي بتصرف علينا بس عشان انا لسه عايشه لكن بعد مو.تي مش متأكده ممكن تعمل ايه و بنتي التانيه بتيجي كل فين و فين..انا يابني خليت الشغاله تبلغ البول.يس عشان منها اراضي الشغاله و مازعلهاش و منها استشير الضا.بط اللي يجي اعمل ايه عشان بنتي نيرڤانا..انت عارف نيرڤانا دي ياما جالها عرسان ولاد اصول بس للأسف المر.ض ده جالها و هي في سن العشرينات و الحمدلله الحمدلله
انا: (لحظة صمت و ذهول) انا تحت امر حضرتك في اي شيئ لو حابه اصطحب بنتك للمست.شفى تتعالج مثلاً او نتواصل مع بنات حضرتك..و ان شاء الله ربنا يزيح الغمه دي
هي: (ابتسامه يائسة) لا يابني مالوش لزوم انا بس بطلب منك تع.نف الشغاله عشان ماتضر.يش نيرڤانا بنتي تاني و انا ممكن ازودلها الفلوس..
انا: حاضر ماتقلقيش هي بنت حضرتك فين
هي: الشغاله حب.ساها في اوضتها!!!
خرجت من غرفة السيده مهرولاً بعد ان وعدتها ان لا يتكرر هذا الع.نف من خادمتها و سألت الخادمه بمنتهى الحده: فين ستك نيرڤانا يا وليه انتي؟؟
بدأت تشعر الخادمه بغض.بي و ترد علي بهدوء و بأد.ب و يبدو أنها سمعت مناقشتي مع سيدة المنزل و هي خارج الغرفه (بتلمع أُكَر)..
استأذنت السيده نيرڤانا في الدخول و ردت هي في خو.ف :اتفضل
دخلت فوجدت سيدة غايه في الجمال و هي في منتصف العقد الرابع من عمرها ترتدي ملابس بيت لا تتناسب مع سنها اطلاقاً ليس من حيث المقاس و انما من حيث الذوق
و دار الحوار التالي:
هي: ازيك يا عمو فين الشوكولاته بالبلح اللي انت وعدتني تجيبهالي
انا: معلش نسيت المره دي بكره هجيبلك..انتي خاي.فه من ايه الأول
هي: (تنظر للخادمه بخو.ف و هي تقف خلف ستار التراس الخاص بغرفتها) لا مش خايفه من حد
انا: ماتخفيش انا جيت هنا عشان احميكي
هي: (اشارت للخادمه) طنط دي بتضر.بني جامد اوي
انا: اطمني ماتخفيش انا هخليها ماتعملش كده تاني ابداً
هي: (بدون اي مقدمات) بكاء هيس.تيري!!!!!
خرجت من الغرفه و عن.فت تلك الخادمة التي استغلت ضع.ف اصحاب المقام الرفيع و تفعل ما تفعل..توصلت لمعلومة من خلال عملي ان تلك الخادمه مطلوب التنفيذ عليها غيابياً في قض.يتين ايصال اما.نه و ضر.ب و احداث اص.ابه في بلدها الأم (بني سويف) و كانت تلك المعلومه هي العصا التي توعدتها بها كي لا تكرر ما تفعله مع أصحاب البيت و الا سأقوم بعرضها على النيابه،. الى ان تأكدت من عدم تكرار ذلك منها من دارستي لعلم لغة الجسد..
خرجت من الڤيلا بدرس قوي عاشمعي الى ان تذكرته اليوم حينما مررت بجوار تلك الڤيلا ألا و هو؛
رزقك محتوم لا يصيب غيرك، لن تناله بقوتك و لن يفلتك في ضعفك ..
“و في السماء رزقكم و ما تُوعَدون” آيه ٢٢ الذاريات
“قل لن يُصيبَنا إلا ما كَتبَ اللهُ لنا هو مولانا و على الله فليتوكَّل المؤمنون” آية ٥١ التوبه
“قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ ۖ بِيَدِكَ الْخَيْرُ ۖ إِنَّكَ عَلَىٰ كُلِّ شَيْءٍ قَدِيرٌ” آية ٢٦ آل عمران
الخلااااصة⬇️
لما تتمنى حاجه مع حد أو عند حد حاول كده تتمنى كل اللي عنده مش الحاجه دي بس..يعني عجبك الڤيلا؟؟
يبقى ماتتمناش الڤيلا بس لأ، أتمنى الڤيلا بحياة أصحابها بمش.اكلهم بمر.ضهم بكل حاجه عندهم
المفا.جأه بقى أن ساعتها هتلاقيك بتقول لأ أنا اللي عندي أحسن.
“و لو بَسَط الله الرزق لعبادهِ لبَغَوا في الأرض و لكن يُنَزَّلُ بقدَرٍ ما يشاء إنه بعبادهِ خبيرٌ بصير” – آية ٢٧ الشورى
منقول)الشوكي ابن البلد
